फिरत लोग जहँ तहँ बितताने -सूरदास

सूरसागर

दशम स्कन्ध

फिरत लोग जहँ तहँ बितताने। को हैं अपने कौन बिराने।। ग्वाल गए जे धेनु चरावन। तिनहिं परयौ बन माँझ परावन।। गाइ बच्छ‍ कोऊ न सँभारै। जिय की सबकौं परी खँभारैं।। भागे आवत ब्रजही तन कौं। बिपति परी अति बन ग्वालनि कौं।। अंध धुंध मग कहूँ न सूझैं। ब्रज भीतर ब्रज ही कौं बूझैं।। जैसै तैसै ब्रज पहिचानत। अटकरहीं अटकर करि आनत।। खोजत फिरैं आपने घर कौं। कहा भयौ इहि घोष-सहर कौं।। रोवत डोलैं घरहिं न पावैं। घर द्वारे घर कौं बिसरावैं।। सूर स्याम सुरपति बिसरायौ। गिरि के पूजैं यह फल पायौ।।932।।