प्रिय-बियोगमें अबिरत स्मृति -हनुमान प्रसाद पोद्दार

पद रत्नाकर -हनुमान प्रसाद पोद्दार

श्रीराधा माधव लीला माधुरी

राग शिवरञ्जनी - ताल कहरवा प्रिय-बियोग में अबिरत स्मृति सौं भयौ नित्य मानस-संयोग। भ‌ई बियोगिनि, नित्य स्याम-संजोगिनि, भूली दुःख-बियोग॥ रह्यौ न मन कछु देस-काल-कुल-लोक-बेद के भय कौ भाव। नित निरवधि निर्बाध मिलन मनभर प्रिय कौ, चित नित नव चाव॥ उदै भ‌ई रति पूर्ण तीब्रतम, छा‌ई सब दिसि, ओर-न-छोर। बितरत नित्य नवीन अमित रस-सुख पिय, नित्य-रमन मन-चोर॥ भंगुर-भयद मिलन सुख सीमित, सुख-बियोग अतिसै अबिराम। या तैं रहीं गोपिका ब्रज में, तजि भजनीय द्वारका-धाम॥