प्रानधन सुंदर स्याम सुजान -हनुमान प्रसाद पोद्दार

पद रत्नाकर -हनुमान प्रसाद पोद्दार

श्रीराधा माधव लीला माधुरी

राग भैरवी - तीन ताल प्रानधन सुंदर स्याम सुजान ! छटपटात तुम बिना दिवस-निसि मेरे दुखिया प्रान॥ बिदरत हियौ दरस बिनु छन-छन, दुस्सह दुखमय जीवन। अमिलन के अति घोर दाह तैं दहत देह-‌इंद्रिय-मन॥ कलपत-विलपत ही दिन बीतत, निसा नींद नहिं आवै। सुपन-दरसहू भयो असंभव, कैसैं मन सचु पावै॥ अब जनि बेर करौ मन-मोहन ! दया नैक हिय धारौ। सरस सुधामय दरसन दै निज, उर की अगिनि निवारौ॥