प्रभु तुम अपनो बिरद सँभारौ -हनुमान प्रसाद पोद्दार

पद रत्नाकर -हनुमान प्रसाद पोद्दार

वंदना एवं प्रार्थना

राग वागेश्री - ताल तीन ताल प्रभु! तुम अपनो बिरद सँभारौ। अधम-‌उधारन नाम धरायौ अब मत ताहि बिसारौ॥ मोसों अधिक अधम को जग महँ पापिन महँ सरदारौ। ढूँढ़-ढूँढ़ जग अघ अति कीन्हें गनत न आवै पारौ॥ मोरे अघ कौं लिखत-लिखावत चित्रगुप्त पचि हारौ। त‌ऊ न आयौ अंत अघन कौ, छाड़ी कलम बिचारौ॥ अब लौं अधम अनेक उधारे, मो सों पल्लौ डारौ। राखो लाज नाम अपने की, मत खो‌औ पतियारौ॥