पारथ के सारथि हरि आप भए हैं -सूरदास

सूरसागर

प्रथम स्कन्ध

राग रामकली              पारथ के सारथि हरि आप भए हैं। भक्त-बछल नाम निगम गाइ गए हैं। बाएँ कर बाजि-‍बाग दाहिन हैं बैठे। हाँकत हरि हाँक देत गरजत ज्‍यौ ऐंठे। छाता लौं छाँह किए सोभित हरि छाती। लागन नहिं देत कहूँ समर-आँच ताती। करन-मेघ वान-बुँद भादौं- झरि लायौ। जित जित मन अर्जुन कौ तितहिं रथ चलायौ। कौरौ-दल नासि नासि कीन्‍हौं जन-भायौ। सरन गए राखि लेत सूर सुजस गायौ।।23।।