परसपर स्याम ब्रज बाम सोहैं -सूरदास

सूरसागर

दशम स्कन्ध

राग गुंड मलार परसपर स्याम ब्रज-बाम सोहैं। सीस सीखंड, कुंडल जटित मनि स्रवन, निरख छबि-स्याम, मन-तरुनि मोहैं।। नासिका ललित बेसरि बनी अधर-तट, सुभग ताटंक-छबि कहि न जाई। धरनि पग पटकि, कर झटकि, भौंहनि मटकि, अटकि मन तहाँ रीझे कन्हाई।। तब चलत हरि मटकि, रही जुवती भटकि, लटकि लटकनि छटकि, छबि बिचारैं। कहतिं प्रभु-सूर, बहुरौ, चलौ वैसैहीं हमहुँ वैसैं चलैं, जौ निहारैं।।1041।।