परम बियोगिनी सब ठाढ़ी -सूरदास

सूरसागर

दशम स्कन्ध

राग नट परम बियोगिनी सब ठाढ़ी। ज्यौ जलहीन दीन कुमुदिनि बन, रविप्रकास की डाढ़ी।। जिहि बिधि मीन सलिल तै बिछुरै, तिहि अति गति अकुलानी। सूखे अधरु न कहि आवै कछु, बचन रहित मुख बानी।। उन्नत स्वास बिरह बिरहातुर, कमल बदनि कुम्हिलानी। निंदतिं नैन निमेष छिनहिं छिन, मिलन कठिन जिय जानी।। बिनु बुधि बल विचित्र कृत सोभित, चलि न सकी पचि हारी। 'सूरदास' प्रभु अवधि लागि नतु, प्रान तजति ब्रजनारी।।4137।।