पढ़ौ भाइ, राम-मुकुंद-मुरारि -सूरदास

सूरसागर

सप्तम स्कन्ध

राग रामकली पढ़ौ भाइ, राम- मुकुंद-मुरारि। चरन-कमल मन-सनमुख राखो, कहूँ न आवै हारि। कहै प्रहलाद सुनौ रे बालक, लीजै जनम सुधारि। को है हिरनकसिप अभिमानी, तुम्है सकै जो मारि। जनि डरपौ जड़मति काहू सौं भक्ति करौ इकसारि। राखनहार अहै कोउ औरै , स्याम धरे भुज चारि। सत्य स्वरूप देव नारायन ,देखौ हृदय विचारि। सूरदास प्रभु सब मै व्यापक , ज्यौं धरनी मै बारि ।।3।।