न्हात नंद सुधि करी स्याम की -सूरदास

सूरसागर

दशम स्कन्ध

राग सारंग न्हात नंद सुधि करी स्याम की, ल्यावहु बोलि कान्ह बलराम। खेलत बड़ी बार कहुँ लाई, ब्रज-भोतर, काहू कैं धाम। मेरे संग आइ दोउ बैठैं, उन बिनु भोजन कौने काम। जसुमति सुनत चली अति आतुर, ब्रज-घर-घर टेरति लै नाम। आजु अबेर भई कहुँ खेलत, बोलि लेहु हरि कौं कोउ बाम। ढूँढ़ि फिरि नहिं पावति हरि कौं, अति अकुलानो, तावति धाम। बार-बार पछिताति जसोदा, बासर बोति गए जुग जाम। सूर-स्याम कौं कहूँ न पावति, देखे बहु बालक के ठाप।।235।।