निर्मल प्रेम नित्य यौं बोलै -हनुमान प्रसाद पोद्दार

पद रत्नाकर -हनुमान प्रसाद पोद्दार

श्री कृष्ण के प्रेमोद्गार

राग नट - तीन ताल निर्मल प्रेम नित्य यौं बोलै। अपने दोष विमल गुन पिय के लाख-लाख करि काढ़ै-तोलै॥ छक्यौ प्रेम-रस-सुधा निरंतर अग-जग भयौ बावरौ डोलै। दीखै हियौ प्रेम-रस छूँछौ पाय प्रेम-धन-रतन अमोलै॥ प्रेम-पियास बढ़त नित पावन-प्रेम अभाव दिखावत रोलै। धनि-धनि ऐसौ प्रेम-धनी जो नित नव प्रेम-गोलकहि खोलै॥ मोय परम सुख पहुँचावन-हित नित अति मधुर अमी-रस घोलै। तुम ऐसी, तातैं मैं रिनिया, सेवौं सकुचत हौले-हौले॥