नित्य मधुर ब्रज-धाम -हनुमान प्रसाद पोद्दार

पद रत्नाकर -हनुमान प्रसाद पोद्दार

श्रीराधा माधव लीला माधुरी

राग काफी - ताल दीपचंदी नित्य मधुर ब्रज-धाम, खेल रहे हरि-सँग होरी॥ विषय बिराग-राग-रँग लीन्हो, प्रेमसुधा-रस घोरी। एक लक्ष्य करि मोहन-‌आनन भरि पिचकारी छोरी॥ बदन सब अरुन भयो री॥ दंभ-दर्प-मद-मोह-कोह सब राख भ‌ए जरि होरी। काम विसुद्ध भयो, हरि-मुख पै राजि रह्यो बनि रोरी॥ मिटी जग की सब खोरी॥ नाते-नेह खेह भये सारे, नातो एक रह्यौ री। नेह-बिन्दु सब नेह-जलधि मिलि सागर रूप लह्यौ री॥ प्रेम-रस-रंग छयौ री॥