नारद ऋषि नृप सौं यौं भाषत -सूरदास

सूरसागर

दशम स्कन्ध

राग बिलावल नारद ऋषि नृप सौं यौं भाषत। वै हैं काल तुम्हारे प्रगटे, काहैं उनकौं राखत। काली उरग रहै जमुना मैं, तहँ तै कमल मँगावहु। दूत पठाइ देहूँ ब्रज ऊपर नंदहिं अति डरपावहु। यह सुनि कै ब्रज लोग डरैंगे, वै सुनिहैं यह बात। पुहुप लैन जैहैं नँद-ढोटा, उरग करै तहँ घात। यह सुनि कंस बहुत सुख पायो, भली कही यह मोहि। सूरदास प्रभु कौं मुनि जानत, ध्‍यान धरत मन जोहि।।522।।