नंद के द्वार नंद-गेह बूझै -सूरदास

सूरसागर

दशम स्कन्ध

राग गौड़ मलार नंद के द्वार नंद-गेह बूझै। इतहिं तैं जाति उत, उतहिं तैं फिरै इत, निकट ह्वै जाति नहिं नैंकु सूझै।। भई बेहाल ब्रल-बाल, नँद-लाल-हित, अरपि तन मन सबै तिन्है दीन्हौ। लोक-लज्जा तजी, लाज देखत लजी, स्याम कौं भजी, कछु डर न कीन्हौं।। भूलि गयौ दधि-नाम, कहति लैहौ स्याम, नहीं सुधि धाम कहुँ है कि नाहीं। सूर-प्रभु कौं मिली, मेंटि भलो अनभली, चून-हरदी-रंग देह छाहीं।।1646।।