नंदनँदन वृंदावन चंद -सूरदास

सूरसागर

दशम स्कन्ध

राग गौरी नंदनँदन वृंदावन चंद। जदुकुल नभ, तिथि द्वितिय देवकी, प्रगटे त्रिभुवन बंद।। जठर कुहू तै बिहरि बारुनी दिसि मधुपुरी सुछंद। बसुद्यौ संभु सोस धरि आन्यौ, गोकुल-आनँद-कंद।। ब्रज प्राची, राकातिथि जसुमति, सरस सरद रितु नंद। उडगन सकल सखा संकर्षन, तम-कुल-दनुज निकंद।। गोपी-जन-चकोर-चित बाँध्यौ, निमि निवारि पल द्वंद। ‘सूर’ सुदेस कला पोडस, परिपूरन परमानंद।।1795।।