द्वै मैं एकौ तौ न भई -सूरदास

सूरसागर

प्रथम स्कन्ध

राग मलार द्वै मैं एकौ तौ न भई। ना हरि भज्‍यौ, न गृह सुख पायौ, वृथा बिहाइ गई। ठनी हुती और कछु मन मैं, औरै आनि ठई। अबिगत-गति कछु समुझि परत नहिं, जो कुछ करत दई। सुत सनेहि-तिय सकल कुटुँब मिलि, निसि-दिन होत खई। पद-नख-नंद चकोर बिमुख मन, खात अँगार मई। विषय-बिकार-दवानल उपजी, मोह-बयारि लई। भ्रमत-भ्रमत बहुतै दुख पायौ, अजहुँ न टेंव गई। होत कहा अबके पछिताऐं, बहुत बेर बितई। सूरदास सेये न कृपानिधि, जो सुख सकल भई।।299।।