देखी आजु अनोखी बात -हनुमान प्रसाद पोद्दार

पद रत्नाकर -हनुमान प्रसाद पोद्दार

श्रीराधा माधव लीला माधुरी

राग भैरव - तीन ताल देखी आजु अनोखी बात। ग‌ई हुती लै खरिक दोहनी, सुमिरत मोहन-गात॥ मन की जाननिहारे आ‌ए मुरली मधुर बजात। निरखि रहे ग्वालिनि-तन ठाढ़े, मधुर-मधुर मुसुकात॥ सुनि मुरली-धुनि तिरछे नयननि निरखत मुख-जलजात। भ‌ई बावरी, बिसरी तन-सुधि, रह्यौ नहीं कछु ग्यात॥ गैया के बदले नो‌ई ले बाँधी बरधा-लात। प्रेम-सुधा-रस छकी ग्वालिनी ठाढ़ी पुलकित गात॥