दवा तैं जरत ब्रज-जन उबारे -सूरदास

सूरसागर

दशम स्कन्ध

राग मारू दवा तैं जरत ब्रज-जन उबारे। पैठि जल गए गहि उरग आने नाथि, प्रगट फन फननि- प्रति चरन धारे।। देखि मुनि-लोक, सुर-लोक, सिव-लोक के, नंद-जसुमति हेत-बस मुरारी। जहाँ तहँ करत अस्तुति मुखनि देव-नर, धन्य-जै-शब्द तिहुँ भुवन भारी।। सुख कियौ जमुन-तट एक दिन-रैनि बसि, प्रातहीं ब्रज गई गोप नारी। सूर प्रभु स्याम-बलराम नँद-धाम गए, मातु-पितु घोष-जननि सुखकारी।।602।।