तुम जानकी, जनकपुर जाहु -सूरदास

सूरसागर

नवम स्कन्ध

राग गूजरी श्रीराम वचन जानकी के प्रति    तुम जानकी, जनकपुर जाहु। कहा आनि हम संग भरमिहौ, गहवर बन डुख-सिंघु अथाहु। तजि वह जनक-राज भोजन-सुख, कत तृन-तलप, बिपिन फल खाहु। ग्रीषम कमल-बदन कुम्हिलैहै, तजि सर निकट दूरि‍ कित न्हाहु। जनि कछु प्रिया, सोच मन करिहौ, मातु-पिता-परिजन-सुख लाहु। तुम घर रहौ सीख मेरी सुनि, नातरु बन बसिकै पछिताहु। हौं पुनि मानि कर्म कृत रेखा, करिहों तात-बचन-निरबाहु। सूर सत्य जो पतिव्रत राखौ, चलौ संग जनि, उतहीं जाहु॥34॥