तुम्‍हरी कृपा बिनु कौन उबारे -सूरदास

सूरसागर

प्रथम स्कन्ध

राग धनाश्री तुम्‍हरी कृपा बिनु कौन उबारे ? अर्जुन, भीम, जुधिष्ठिर, सहदेव, सुमति नकुल बलधारे। केस पकरि ल्‍यायौ दुस्‍सासन, राखी लाज, मुरारे। नाना बसन बढ़ाइ दिए प्रभु, बलि-बलि नंद-दुलारे। नगन न होत, चकित भयौ राजा, सीस धुनै, कूर मारै। जापर कृपा करे करुनामय, ता दिसि कौन निहारै ? जो जो जन निस्‍चै करि सैवै, हरि निज बिरद सँभारै। सूरदास प्रभु अपमे जन कौं, उर तैं नैंकु न टारै।।257।।