झूलत कुंजनि प्रेम हिंडोरैं -हनुमान प्रसाद पोद्दार

पद रत्नाकर -हनुमान प्रसाद पोद्दार

श्रीराधा माधव लीला माधुरी

राग बिहागड़ा - ताल धमार झूलत कुंजनि प्रेम हिंडोरैं। स्यामा-स्याम प्रीति तन पुलकित हिय रस लेत हिलोरैं॥ नैन रसाल, बिसाल भाल, कल भौंह-कटाच्छ झकोरैं। तन-मन-प्राण परस्पर अर्पित परम रसिक रस बोरैं॥ ललित सखी ललितादि झुलावत दै-दै झोंटा झोरैं। स्याम-गौर तन झलकत श्रम-कन जोवन मदके जोरैं॥ बोलनि मधुर-मधुर मृदु मुसुकनि निरखि-निरखि तृन तोरैं। मन आनंद मगन दो‌उन के नित नवीन रस घोरैं॥