झिरकि कै नारि -सूरदास

सूरसागर

दशम स्कन्ध

राग मारू झिरकि कै नारि, दै गागि गिरिधारि तब, पूँछ पर लात दै अहि जगायौ। उठयौ आकुलाइ, डरपाइ खग-राइ कौं, देखि बालक गरब अति बढ़ायौ। पूँछ लीन्ही झटकि धरनि सौं गहि पटकि, फुंकरयौ लटकि करि क्रोध फूले। पूँछ राखी चाँपि, रिसनि काली काँपि, देखि सब साँपि- अवसान भूले। करत फन- घात, विष जात उतरात अति, नीर जरि जात, नहिं गात परसै। सूर के स्याम, प्रभु, लोक- अभिराम, बिनु, जान-अहिराज बिष ज्वाल बरसै।।552।।