जो मेरे भक्तनि दुखदाई -सूरदास

सूरसागर

सप्तम स्कन्ध

राग कान्हरौ जो मेरे भक्तनि दुखदाई। सो मेर इहिं लोक बसौ जनि, त्रिभुवन छाँडि़ अनत कहुँ जाई। सिव-विरंच-नारद मुनि देखत, तिनहुँ न मोकौं सुरत दिवाई। बालक अबल, अजान रहयौ वह, दिन-दिन देत त्रास अधिकाई। खंभ फारि, गल गाजि मत्त बल ,क्रोधमान छवि बरनि न आई । नैन अरुन, बिकराल दसन अति, नख सों हृदय बिदारयौ जाई। कर जोरे प्रहलाद जो विनवै , विनय सुनौ असरन- सरनाई। अपनी रिस निवारि प्रभु, पितु मम अपराधी , सो परम पति पाई। दीनदयाल , कृपानिधि , नरहरि, अपनी जानि हियैं जियौ लाई। सूरदास प्रभु पूरन ठाकुर, कहौ, समल मै हूँ नियराई।।4।।