जाहि देखि, चाहत नहीं -हनुमान प्रसाद पोद्दार

पद रत्नाकर -हनुमान प्रसाद पोद्दार

अभिलाषा

राग माँड़ - ताल कहरवा   जाहि देखि, चाहत नहीं कछु देखन मन मोर। बसै सदा मोरे दृगनि सो‌ई नंद-किसोर॥ तन-मन-सब लिपटे रहैं, नित प्रियतम के अंग। भुक्ति-मुक्ति की कल्पना करै न यह सुख-भंग॥ भूलि जाय सुधि जगत की, भूलै घर की बात। हिय-सौं-हिय लागौ रहै, बिनु बाधा दिन-रात॥ इंद्रिय, मन, बुधि, आतमा बनैं स्याम के धाम। सब में सदा बसौ रहै प्रियतम मधुर ललाम॥