जाकों दीनानाथ निवाजैं -सूरदास

सूरसागर

प्रथम स्कन्ध

राग सारंग              जाकों दीनानाथ निवाजैं। भव-सागर मैं कवहुँ न झूकै, अभय निसाने बाजैं। विप्र सुदामा कौं निधि दीन्‍हीं, अर्जुन रन मैं गाजै। लंका राज बिभीषन राजैं, ध्रुव आकास बिराजैं। मारि कंस-केसी मथुरा मैं, मेट्यौ सबै दुराजैं। उग्रसेन-सिर छत्र धरयौ है, दानव दस दिसि भाजैं। अंबर गहत द्रौपदी राखी, पलटि अंध-सुत लाजैं। सूरदास प्रभु महा भक्ति तैं, जाति अजातिहिं साजैं।।36।।