जय जय, जय जय, माघघ-बेनी -सूरदास

सूरसागर

नवम स्कन्ध

राग भैरो    जय जय,जय जय, माधध-बेनी। जग हित प्रकट करी करुनामय-अगतिनि कौं गति देनी। जानि कठिन कलिकाल कुटिल नृप, संग सजी अध-सैनी। जनु ता लगि तरवारि त्रिविकृम, धरि करि कोप उपैनी। मेरु मूठि , बर-बारि पाल-छिति, बहत वित्त की लेनी। सोभित अंग तरंग त्रिसंगम, धरौ धार अति पैनी। जा परसै जीतै जम- सैनी, जमन कपालिक, जेनी। एकै नाम लेत सब भाजै, पीर सो भव-भय-सैनी। जा जल-सुद्ध निरखि सम्मुख ह्वै, सुंदरि सरसिज नैनी। सूर परस्पर करत कुलाहल, गर-सृग-पहरावैनी।।11।।