जयति जय श्रीबृषभानु-दुलारी -हनुमान प्रसाद पोद्दार

पद रत्नाकर -हनुमान प्रसाद पोद्दार

श्रीराधा कृष्ण जन्म महोत्सव एवं जय गान

राग आसावरी - तीन ताल जयति जय श्रीबृषभानु-दुलारी॥ जयति कीर्तिदा जननी, जा‌ई जिन गुण-खानि राधिका प्यारी। जय बृषभानु महीप-मुकुट-मनि, जिन घर जनमी जग-‌उजियारी॥ कृष्णा कृष्ण-जीवना, कृष्णाकर्षिनि कृष्ण-प्रान-‌आधारी। परम प्रेम प्रतिमा, परिपूरन प्रिय-सुख अति सुख माननिहारी॥ प्रिय-सुख-समैं परम चतुरा नित, निज सुख समैं सुभोरी-भारी। प्रिय-सुख लागि बिसरि सब अग-जग, सहित समोद प्रसंसा-गारी॥ टेक-बिबेक एक प्रियतम सौं, सब के सब संबंध निवारी। भजत-भजत भजनीय भ‌ई अब, तुम्हरौ भजन करत, कंसारी॥