ग्वालिनी भूली तन-धन-धाम -हनुमान प्रसाद पोद्दार

पद रत्नाकर -हनुमान प्रसाद पोद्दार

श्रीराधा माधव लीला माधुरी

राग शुद्ध सारंग - तीन ताल ग्वालिनी भूली तन-धन-धाम। फूली फिरत बावरी इत-‌उत निरखत मोहन-छबि अभिराम॥ डोलत सर-सरिता-तट, कानन-कुंज सदा एकाकिनि बाम। जहँ दृग जाय तहाँ नित दीखत सोहन प्रियतम-बदन ललाम॥ एक दिना भटकत इकंत बन, दृष्टि ग‌ई नभ दिसि सुठि ठाम। अपलक नैन मुग्ध भ‌इ ठाढ़ी निरखत छबि मन-मोहन स्याम॥ देस काल सब भये कृष्णमय, छये कृष्णघन तत्त्व तमाम। धन्य ग्वालिनी जाके दृग-पंकज बन मधुप बसे घन-स्याम॥