खेलौ जाइ स्याम सँग राधा -सूरदास

सूरसागर

दशम स्कन्ध

राग कल्यान खेलौ जाइ स्याम संग राधा। यह सुनि कुँवरि हरष मन कीन्हौं, मिटि गई अंतर-बाधा।। जननी निरखि चकित रही ठाढ़ी, दंपति रूप-अगाधा। देखति भाव दुहुँनि कौ सोई, जो चित करि अवराधा।। संग खेलत दोउ झगरन लागे, सोभा बढ़ी अवाधा। मनहुँ तड़ित घन, इंदु तरनि, ह्वै बाल करत रस-साधा।। निरखत बिधि भ्रमि भूलि परयौ तब, मन-मन करत समाधा। सूरदास प्रभु और रच्यौ बिधि, सोच भयो तन दाधा।।705।।