कैसैं बिनय सुनावौं, स्वामी -हनुमान प्रसाद पोद्दार

पद रत्नाकर -हनुमान प्रसाद पोद्दार

वंदना एवं प्रार्थना

राग भूपाली - तीन ताल कैसैं बिनय सुनावौं, स्वामी! छिपी न कछु तुम सौं अंतर की, सब के अंतरजामी॥ सब बिधि हीन, मलिन-मति मो पै परम अनुग्रह कीन्हौ। निज स्वभावबस मान, बिपुल जस, धन-बैभव बहु दीन्हौ॥ सब लोकनि में साधु कहायौ, भक्तराज पद पायौ। रह्यौ बासना-बिबस निरंतर नित बिषयन प्रति धायौ॥ कनक-कामिनी-रस-बस निसि-दिन सहज कुमारगगामी। भूल्यौ परम अनुग्रह प्रभु कौ ऐसौ नौंन-हरामी॥ हौं अति कुटिल, कृतघ्री, कामी, नरक-कीट, अघ-भार। निज दिसि देखि, बिरुद लखि, मोहि उबारहु परम उदार॥