कहा लाइ तैं हरि सौं तोरी -सूरदास

सूरसागर

प्रथम स्कन्ध

राग धनाश्री              कहा लाइ तैं हरि सौं तोरी ! हरि सौं तोरि कौन सौं जोरी ! सिर पर धरि न चलैगौ कोऊ, जो जतननि करि मया जोरी। राज-पाट सिंहासन बैठौ, नील पदुम हूँ सौं कहै थौरी। मैं-मेरी करि करि जनम गँवावत, जब लगि नाहि परति जम-डोरी। धन-जोवन-अभिमान अल्‍प जल, काहे कूर आपनीं बोरी। हस्‍ती देखि बहुत मन-गर्वित, ता मूरख की मति है थोरी। सूरदास भगवंत-भजन बिनु, चले खेलि फागुन को होरी।।303।।