करतल साभित बान धनुहियाँ -सूरदास

सूरसागर

नवम स्कन्ध

राम बिलावल शर-क्रीड़ा    करतल सोभित बान धनुहियाँ। खेलत फिरत कनकमय आँगन, पहिरे लाल पनहियाँ। दसरथ कौसिल्या कै आगै, लसत सुमन की छहियाँ। मानौ चारि हंस सरबर तै बैठे साइ संदेहियाँ। रधुकुल-कुमुद-चंद चितरमनि, प्रगटे भूतल महियाँ। आए ओप देन रघुकुल कौं, आनंद-निधि-सब कहियाँ। सुख यह तीनि लोक मैं नाहीं, जो पाए प्रभु पहियाँ। सूरदास हरि बोलि भक्ति कौं, निरवाहत गहि बहियाँ।।19।।