कब के बांधे ऊखल दाम -सूरदास

सूरसागर

दशम स्कन्ध

Prev.png
राग सारंग



कब के बाँधे ऊखल दाम।
कमल–नैन बाहिर करि राखे तू बैठी सुखधाम।
है निरदई, दया कछु नाहीं, लागि रही गृह काम।
देखि छुधा तैं मुख कुम्हिलानौ, अति कोमल तन स्‍याम।
छोरहु वेगि भई बड़ो बिरियाँ, बीति गए जाम।
तेरैं त्रास निकट नहिं आवत बोलि सकत नहिं राम।
जन-कारन भुज आपु बँधाए, बचन कियौ रिषि ताम।
ताही दिन तै प्रगट सूर प्रभु यह दामोदर नाम।।361।।

Next.png

टीका टिप्पणी और संदर्भ

संबंधित लेख

वर्णमाला क्रमानुसार लेख खोज

                                 अं                                                                                                       क्ष    त्र    ज्ञ             श्र    अः