और नंद माँगौ कछु हमसौं -सूरदास

सूरसागर

दशम स्कन्ध

Prev.png
राम मौरी


और नंद माँगौ कछु हमसौं।
जौ चाहौ सो देउँ तुरत हीं, कहत सबै गोपनि सौं।।
बल मोहन दोऊ सुत तेरे, कुसल सदा ये रहिहैं।
इनकौ कह्यौ करत तुम रहियौ, जब जोई ये कहिहैं।।
सेवा बहुत करी तुम मेरी, अब तुम सब घर जाहु।
भोग प्रसाद लेहु कछु मेरौ, गोप सबै मिलि खाहु।।
सुपनैं मैं ही कह्यौ स्याम सौं, करौ हमारी पूजा।
सुरपति कौन बापुरौ, मोतैं और देव नहिं दूजा।।
इंद्र आइ बरसै जो ब्रज पर, तुम जनि जाहु डराइ।
सुनहु सूर सुत कान्ह तुम्हारौ कहिहै मोहिं सुनाइ।।843।।

Next.png

टीका टिप्पणी और संदर्भ

संबंधित लेख

वर्णमाला क्रमानुसार लेख खोज

                                 अं                                                                                                       क्ष    त्र    ज्ञ             श्र    अः