ऐसै करत अनेक जन्‍म गए -सूरदास

सूरसागर

प्रथम स्कन्ध

राग धनाश्री   ऐसै करत अनेक जन्‍म गए, मन संतोष न पायौ। दिन-दिन अधिक दुरासा लाग्‍यौ, सकल लोक भ्रमि आयौ। सुनि-सुनि स्‍वर्ग, रसातल, भूतल, तहाँ-तहाँ उठि घायौ। काम-क्रोध-मद-लोभ अगिनि तै कहूँ न जरत बुझायो। सुत-तनया-बनिता-विनोद-रस, इहिं जुर-जरनि जरायौ। मैं अग्‍यान अकुलाइ, अधिक लै, जरत माँझ घृत नायौ। भ्रमि-भ्रमि अब हारयौ हित अपनैं, दैखि अनल जग छायौ। सूरदास-प्रभु तुम्‍हारी कृपा बिनु, कैसैं जात नसायौं!।।154।।