ऊधौ कह्यौ तिहारौ कीन्हौ -सूरदास

सूरसागर

दशम स्कन्ध

राग सारंग ऊधौ कह्यौ तिहारौ कीन्हौ। जिहिं जिहिं भाँति सिखावन दीन्हौ, सोइ बिचारन लीन्हौ।। नैन मूँदि धरि ध्यान निरंतर, मन देख्यौ दौराइ। अरुझि रह्यौ नंदलाल प्रेम रस, निमिष न इत उत जाइ।। जो हम हाथ आवते जानति, लेती सीस चढ़ाइ। यह लै देहु ताहि फिरि मधुकर, जिन पठए हित गाइ।। मेरे जान ‘सूर’ के प्रभु तौ, फेरि न लैहै ओऊ। देखियत परी तिहारे माथै, यह हाँसी दुख दोऊ।।3811।।