उधौ इतने मोहिं सतावत -सूरदास

सूरसागर

दशम स्कन्ध

Prev.png
राग आसावरी


 
उधौ इतने मोहिं सतावत।
कारी घटा देखि बादर की, दामिनि चमकि डरावत।।
हेम-सुता-पति कौ रिपु व्यापै, दधिसुत रथ न चलावत।
अंबू खंडन सब्द सुनत ही, चित चकृत उठि धावत।।
कंचनपुरपति कौ जो भ्राता, ता प्रिय बलहिं न आवत।
संभूसुत कौ जो वाहन है, कुहुकै असल सलावत।।
जद्यपि भूषन अंग वनावतिं, सो भुजंग ह्वै धावत।
'सूरदास' विरहिनि अति ब्याकुल, खगपति चढ़ि किन आवत।।3623।।

Next.png

संबंधित लेख

वर्णमाला क्रमानुसार लेख खोज

                                 अं                                                                                                       क्ष    त्र    ज्ञ             श्र    अः