आय दूती ने बात कही -हनुमान प्रसाद पोद्दार

पद रत्नाकर -हनुमान प्रसाद पोद्दार

श्रीराधा माधव लीला माधुरी

राग सारंग - तीन ताल आय दूती ने बात कही॥ चंद्रावलि की कुंज सिधारे साँवर आजु सही। सुनत प्रफुल्लित भ‌ई राधिका धीरज सहज गही॥ उठी अमित आनंद-लहर उर मानस-सिद्धि लही। चंद्रावलि सम नहीं कितहुँ को‌उ सुंदरि अन्य मही॥ मधुर सुहासिनि चतुर विलासिनि, गुन-समूह उमही। मैं नित ही कहती पिय तैं, ’तुम क्यौं न जा‌उ उतही’॥ सुनी नायँ पिय बिनय कबहुँ उलटे मो कूँ उलही। दूती! भयो विधाता दच्छिन मन की होय रही॥