आपुन तरि तरि औरनि तारत -सूरदास

सूरसागर

नवम स्कन्ध

राग धनाश्री सेतु-बंधन   आपुन तरि तरि औरनि तारत। अस्म अचेत प्रगट पानी मैं, वनचर लै-लै डारत। इहिं विधि उपलै तरत पात ज्यौं, जदपि सैल अति भारत। बुद्धि न सकति सेतु रचना रचि, राम-प्रताप बिचारत। जिहिं जल तृन, पसु, दारू बूडि़ अपनै सँग औरनि पारत। तिहिं जल गाजत महावीर सब, तरत आँखि नहिं मारत। रघुपति-चरन-प्रताप प्रगट सुर, व्योम बिमाननि गावत। सूरदास क्यौं बूड़त कलऊ, नाम न वूड़न पावत॥123॥