आजु नंद के द्वारैं भीर -सूरदास

सूरसागर

दशम स्कन्ध

राग धनाश्री आजु नंद के द्वारैं भीर। इक आवत इक जात विदा ह्वै, इक ठाढ़े मंदिर कैं तीर। कोउ केसरि कौ तिलक बनावति, कोउ पहिरति कंचुकी सरीर। एकनि कौं गौ-दान समपंत, एकनि कौं पहिरावत चीर। एकनि कौं भूषन पाटंबर, एकनि कौं जू देत नग हीर। एकनि कौं पुहुपनि की माला, एकनि कौं चंदन घसि नीर। एकनि माथैं दूब-रोचना, एकनि कौं बोधति दै धीर। सूरदास धनि स्याम सनेही, धन्य जसोदा पुन्य-सुरीर॥25॥