आँनंद-प्रेम उमंगि जसोदा -सूरदास

सूरसागर

दशम स्कन्ध

राग आसावरी आनँद-प्रेम उमंगि जसोदा, खरी गुपाल खिलावै। कबहुँक हिलकै-किलकै जननी मन-सुख सिंधु बढ़ावै। दै करताल बजावति, गावति, राग अनूप मल्हावै। कबहुँक पल्लव पानि गहावै, आँगन माँझ रिंगावै। सिव, सनकादि, सुकादि, ब्रह्मादिक खोजत अंत न पावैं। गोद लिए ताकौं हलरावै तोतरे बैन बुलावै। मोहे सुर, नर, किन्नर, मुनिजन, रवि रथ नाहिं चलावै। मोहि रही ब्रज की जुवती सब सूरदास जस गावै।।130।।