अहो हरि! मो प्राननि के प्रान -हनुमान प्रसाद पोद्दार

पद रत्नाकर -हनुमान प्रसाद पोद्दार

श्रीराधा माधव लीला माधुरी

राग भैरव - तीन ताल अहो हरि ! मो प्राननि के प्रान। अब कब पुनि सुन पाऊँगी मैं मुरली की मधु तान॥ कब मुखचंद निहारौंगी पुनि रस-निधि, हौं रसराज !। कब नव-नीरद तनु परसौंगी छाँडि लोक-कुल-लाज॥ कब त्रिभंग-भंगिमा निरखि पुनि होंगे नैन निहाल। कब हौं पुनि पहिरावौंगी गल गूँथि मालती-माल॥ कब पुनि ललित पान-बीरी दै अधर करौंगी लाल। कब मैं पदपंकज-पराग लै तिलक करौंगी भाल॥ अब नहिं सह्यौ जात मो पै यह तेरौ विषम बियोग। छटपट करत प्रान निकसेंगे, तजि सरीर-संजोग॥