अब हरि एक भरोसो तेरौ -हनुमान प्रसाद पोद्दार

पद रत्नाकर -हनुमान प्रसाद पोद्दार

वंदना एवं प्रार्थना

राग तिलंग - तीन ताल अब हरि! एक भरोसो तेरौ। नहिं कछु साधन ग्यान-भगति कौ, नहिं बिराग उर हेरौ॥ अघ ढोवत अघात नहिं कबहूँ, मन बिषयन कौ चेरौ। इंद्रिय सकल भोगरत संतत, बस न चलत कछु मेरौ॥ काम-क्रोध-मद-लोभ-सरिस अति प्रबल रिपुन तें घेरौ। परबस पर्‌यौ, न गति निकसन की जदपि कलेस घनेरौ॥ परखे सकल बंधु, नहिं को‌ऊ बिपद-काल कौ नेरौ। दीनदयाल दया करि राख‌उ, भव-जल बूड़त बेरौ॥