अब मोहि मज्‍जत क्‍यौं न उबारौ -सूरदास

सूरसागर

प्रथम स्कन्ध

राग धनाश्री अब मोहि मज्‍जत क्‍यौं न उबारौ ? दीनदंधु, करुनानिधि स्‍वामी, जन के दुख निवरौ। ममता-घटा, मोह की बूँदैं, सरिता मैन अपारौ। बूढ़त कतहुँ थाह नहिं पावत, गुरुजन-ओट-अधारौ। गरजत क्रोध-लौभ कौ नारौ, सूझत कहुँ न उतारौ। तृष्‍ना-तड़ित च‍मकि छनहीं छन, अह-निसि यह तन जारौ। यह भव-जल कलिमलमहिं गहे है, बोरत सहस प्रकारौ। सूरदास पतितनि के संगी, बिरदहिं नाथ, सम्‍हारी।।209।। इस पद के अनुवाद के लिए यहाँ क्लिक करें