अपुनपौ, आपुन ही बिसरयौ -सूरदास

सूरसागर

द्वितीय स्कन्ध

राग नट अपुनपौ, आपुन ही बिसरयौ। जैसैं स्‍वान काँच-मंदिर मैं, भ्रमि-भ्रमि भूकि परयौ। ज्‍यौं सोरभ मृग-नाभि बसत है, द्रुम-तृन सूंघि फिरयौ। ज्‍यौं सपने मैं रंक भूप भयौ, तसकर अरि पकरयौ। ज्यौं केहरि प्रतिबिब देखि कै, आपु न कूप परयौ। जैसैं गज लखि फटिकसिला मैं, दसननि जाइ अरयौ। मर्कट मूंठि छाँडि़ नहिं दीनी, घर-घर-द्वार फिरयौ। सूरदास नलिनी की सुवटा, कहि कौनै पकरयौ।।26।। इस पद के अनुवाद के लिए यहाँ क्लिक करें