अँखियनि की सुधि भूलि गई -सूरदास

सूरसागर

दशम स्कन्ध

राग बिहागरौ अँखियनि की सुधि भूलि गई। स्याम अधर मृदु सुनत मुरलिका, चकित नारि भई।। जो जैसै सो तैसै रहि गई, सुरा दुक कह्यौ न जाई। लिखी चित्र की सी सब ह्वै गई इकटक पल बिसराई।। काहूँ सुधि, काहूँ सुधि नाहींं, सहज मुरलिका गान। धवन रवन की सुधि न रही तनु, सुनत सब्द वह कान।। अँखियनि तै मुरली अति प्यारी, वै बैरिनि यह सौति। 'सूर' परस्पर कहति गोपिका, यह उपजी उदभौति।।2409।।