सखी री हरि बिनु है दुख भारी -सूरदास

सूरसागर

दशम स्कन्ध

राग मलार सखी री हरि बिनु है दुख भारी । सिंहिकासुत हरभूषन ग्रसि ज्यौ, सोइ गति भई हमारी ।। सिखर-बधु-अरि क्यौ न निवारत, पुहुप धनुष कै बिसेष । चच्छुस्रवा उरहार ग्रसी ज्यौ, छिनु दुतिया बपु रेख ।। घट-सुत-असन समयसुत, आनन अमी गलित जैसै मेत । जलधर ब्योम अबुकन, मुचत नैन होइ बदि लेत ।। जदुपति प्रभु मिलि आनि मिलावहु, हरिसुत आरत जानि । जैसै हरि करि बधु प्रगट भए, तैसिय आरति मानि ।। पट-आनन-बाहन कानन मैं, घन रजनी तहँ बासी । 'सूरदास' प्रभु चतुर सिरोमनि, सुनि चातक पिक त्रासी ।। 3222 ।।