सखी री दिखरावहु वह देस -सूरदास

सूरसागर

दशम स्कन्ध

राग मलार सखी री दिखरावहु वह देस । कहा कहौ या ब्रज बसि हरि बिनु, लह्यौ न सुख की लेस ।। सुख मीठी अक्रूर जु दीन्ही, हम सिसु दीन्हौ जान । जानि न बधिक बिभेसौ मृग ज्यौ, हनत बिसासी प्रान ।। मैं मधु ज्यौ राखे सँचि मोहन, ते भृंगी की रीति । दै दृगछाट अवधि लै गवने, सुनियत जहाँ अनीति ।। मोहन बिन हम बसत घोप महँ भई तीसरी साँझ । 'सूरदास' ये प्रान पतित अब, कहा रहत घट माँझ ।। 3225 ।।