भक्ति बिनु बैल विराने ह्वैहौ -सूरदास

सूरसागर

प्रथम स्कन्ध

राग कल्‍यान भक्ति बिनु बैल विराने ह्वैंहौ। पाउँ चारि, सिर सृंग, गुंग मुख, तब‍ कैसै गुन गैहौ। चारि पहर दिन चरत फिरत बन, तऊ न पेट अघैंहौ। टेटू कंधऽरू फूटी नाकनि, कौ लौं धौं भुस खैहौ। लादत, जोतत लकुट बाजिहै, तब कहँ मूँड़ दुरैहौ ? सीत, धाम, धन, बिपति बहुत बिधि, भार तरैं मरि जैहौ। हरि-संतनि कौ कह्यौ न मानत, कियौ आपुनौ पैहौ। सूरदास भगवंत-भजन बिनु, मिथ्‍या, जनम गँवैहौ।।331।।