फिरि-फिरि नृपति चलावत बात -सूरदास

सूरसागर

नवम स्कन्ध

राग कान्‍हरौ महाराज दशरथ का पाश्‍चाताप    फिरि-फिरि नृपति चलावत बात। कहु री ! सु‍मति कहा तोहिं पलटी, प्रान-जिवन कैसें बन जात । ह्वै बिरक्‍त, सिर जटा धर द्रुम-चर्म भस्‍म सब गात । हा हा राम, लछन अरु सीता, फल भोजन जु डसावैं पात। बिन रथ रूढ़, दुसइ दुख मारग, बिन पद-त्रान चलैं दोउ भ्रात । इहिं विधि सोच करत अतिही नृप, जानकि ओर निरखि बिलखात । इतनी सुनत सिमिटि सब आए, प्रेम सहित धारे अँसुपात । ता दिन सूर सहस सब चक्रित, सवर-सनेह तज्‍यो पितु-भात ॥38॥