तरुनी निरखि हरि-प्रति-अंग -सूरदास

सूरसागर

दशम स्कन्ध

राग नट तरुनी निरखि हरि-प्रति-अंग। कोउ निरखि नख-इंदु भूली कोउ चरन-जगु रंग। कोउ निरखि नूपुर रही थमि कोउ निरखि जुग जानु। कोउ निरखि कटि पीत कछनी मेखला रुचिकारि। कोउ निरखि ह्रद-नाभि को छवि डारयौ तन मन वारि। रुचिर रोमावली हरि कैं चारु उदर सुदेस। मनौ अलि-स्रेनी बिराजति बनी एकहिं भेस। रहीं इक टक नारि ठाढ़ी करतिं बुद्धि बिचार। सूर आगम कियौ नभ तैं जमुन-सूच्छम-धार।।634।।